Tirana Boulevard

Tirana Boulevard është një ndërtesë multifunksionale 25 kate mbi tokë dhe 4 kate nëntokë, pozicionuar në qendrën e re të qytetit, përgjatë Bulevardit të Ri të Tiranës. Ky projekt prestigjioz kombinon arkitekturën e shkëlqyer të Winy Maas me inxhinierinë e avancuar të ARUP.

Projekti Tirana Boulevard shënon një hap të rëndësishëm drejt modernizimit dhe transformimit të qytetit të Tiranës.

Arkitekti i njohur ndërkombëtar, Winy Maas, krijuesi i këtij projekti, u frymëzua nga elementë të trashëgimisë kulturore shqiptare, dhe duke i kombinuar me arkitekturën moderne po sjellë një frymë të re në peizazhin urban të qytetit. Karakteristika ikonike e Urban Room, e cila është inspiruar nga qilimi tradicional shqiptar, përfaqëson një lidhje mahnitëse mes të kaluarës dhe të ardhmes nën sloganin “Frymëzuar nga tradita, krijuar për të ardhmen”

Me një sipërfaqe ndërtimi 80,000 metra katrorë, Tirana Boulevard ofron një gamë të gjerë të apartamenteve, njësive të shërbimeve dhe zyrave, të organizuara në mënyrë të përsosur për të plotësuar nevojat e komunitetit. Ky kompleks banimi dhe biznesi përfshin rezidenca moderne dhe të bollshme, dyqane të reja, dhe një tarracë me pamje mahnitëse mbi Bulevardin e Ri.

Ky projekt shfaq vizionin dhe potencialin për një qytet të modernizuar dhe inovativ, duke ofruar apartamente apo shtepi në shitje në Tirane që përmbushin standardet më të larta të jetesës urbane.